WARATIBU WA PRESS CLUB ONGEZENI KASI KUFUATILIA VITENDO VYA UKIUKWAJI HAKI ZA BINADAMU

-



Waratibu wa Klabu za Waandishi wa habari nchini (Press Clubs) wametakiwa kuongeza jitihada za kufuatilia matukio ya ukiukwaji wa haki za binadamu dhidi ya waandishi wa habari na kuripoti kwa ajili ya kuchukuliwa hatua.

Akifungua mafunzo ya siku tatu kwa waratibu hao jana Jijini Dodoma, Afisa Programu kutoka klabu za waandishi wa habari nchini UTPC, Victor Maleko amesema waandishi wa habari wamekuwa wakikabiliwa na ukiukwaji wa haki za binadamu na kukwamisha utendaji wao wa kazi wa kila siku.

Amesema UTPC kwa ushirikiano na shirika la IMS Denmark wameingia mkataba wa kusimamia ukiukwaji wa uhuru wa habari (madhila), ambayo ni moja ya haki za msingi za kidunia na waratibu kwa kuwa ni kiungo kikubwa wanatakiwa kuongeza juhudi za kuripoti matukio hayo ili kuyakomesha.

Maleko amesema ili kufanikisha zoezi hilo UTPC imekuwa ikitoa mafunzo na midahalo mbalimbali ya ulinzi na usalama kwa mwandishi wa habari ikiwemo waratibu kujengewa uwezo wa kufwatilia madhila dhidi ya waandishi wa habari nchini.

“Leo mko hapa kwaajili ya kujengewa uwezo wa namna bora kufuatilia ukiukwaji wa haki za kupata taarifa na uhuru wa habari ikiwemo madhila dhidi ya waandishi wa habari, tunaamini baada ya mafunzo haya mtarudi kazini mkiwa mko vizuri kuripoti matukio ya ukiukwaji wa haki za binaadam kwa waandishi wa habari,”amesema.

Akiwasilisha mada kuhusu uhuru wa kujieleza na akitumia uzoefu wake kitaifa, Wakili John Sendodo amesema ili kuweza kutambua haki za msingi za binaadam ni vyema kujua haki za kimataifa na namna nchi zingine zimekuwa zikitekeleza haki hizo.

Pia amesema kumekuwepo na mikataba ya kimataifa kuhusu haki za binaadam ambayo Tanzania ni miongoni mwa mwanachama wake hivyo ni vyema waratibu wakaelewa na kujua mipaka yao wakati wa kuripoti matukio hayo.

Kwa upande wake mwakilishi kutoka shirika la IMS Zimbabwe, Rashweat Mukundu ametoa uzoefu wake kuhusu madhila yanayotokea Zimbabwe na kuwataka waratibu hao kuwa makini wakati wa kuchambua madhila hayo kwa kuwa wanaoyafanya na wao hutumia akili nyingi sana.

“Nchini Zimbabwe waandishi wa habari wanafanyiwa sana madhila lakini kama hauko makini unaweza usibaini ukweli wa tukio lililotokea, hivyo mbinu mbalimbali zinahitajika ili kuweza kubaini,”amesema.

Pia amewataka waratibu kuripoti haraka matukio ya madhili pindi yanapotokea ili kurahisisha upatikanaji wa mwandishi aliyetendewa tukio husika lakini pia kufanya uchambuzi wa kina na kubaini ukweli ili kuepuka mgogoro usiokuwa wa lazima na mamlaka za kiserikali.

 

Comments

Post a Comment

Popular posts from this blog

Watumishi Wa Umma Wilayani Kalambo Waungana Kuadhimisha Kumbukizi Ya Mashujaa Kwa Kufanya Usafi.

-
Image
  Watumishi wa Umma wilayani Kalambo mkoani Rukwa wameungana na watu wengine katika kuadhimisha siku ya kumbukumbu ya mashujaa kwa kufanya usafi kwenye majengo ya hospitali ya wilaya  hiyo ili kuendeleza kampeni ya usafi wilayani humo. Zoezi hilo liliongozwa na Mkuu wa wilaya hiyo Lazaro Komba alisisitiza kuwa zoezi hilo ni endelevu kwa kila siku ya mwisho wa mwezi ili kukabiliana na magonjwa ya milipuko ikiwemo kipindupindu na magonjwa ya kuhara. Komba alisisitiza wananchi kujenga mazoea kufanya usafi wa mazingira kuzunguma maeneo yao husika kwa lengo la kuifanya wilaya kuwa safi muda na wakati wote. ‘’Kimsingi leo tumekutana kufanya usafi hapa kwenye majengo ya Hospitali ya wilaya Kalambo kama  sehemu ya kuadhimisha kumbukizi ya siku ya mashujaa na maadhimisho haya kwa ngazi ya kitaifa yanafainyika mkoani Dodoma’’ alisema komba. Mapema akiongea na Watumishi wa umma wakati wa shughuli za usafi kwenye maeneo hayo ,Mkurugenzi mtendaji wa Halmashauri hiyo Shafi Mpenda alisema
Read more

Dc Kalambo Ataka Walio Husika Kumuozesha Mwanafunzi Wa Darasa La Saba Kukamatwa

-
Image
Mkuu wa wilaya ya Kalambo mkoani Rukwa Lazaro Komba ameliagiza Jeshi la polisi wilayani humo kuwakamata wazazi na walezi waliomwozesha mwanafunzi wa darasa la saba katika shule ya msingi Mbuza kata ya Mkowe mwenye umri wa miaka 17 na kumuozesha kwa Asulwa Sikombe mkazi wa kijiji cha Mbuza. Taarifa kutoka kwa kwenye uongozi wa kijiji hicho akiwemo mwenyekiti wa kijiji hicho Alisen Machenchelwa na mkuu wa shule hiyo Fedelisi Mbuluko zimeeleza kuwa mwanafunzi huyo Mach 2023 alitoroka kwenye makazi ya wazazi wake na kutokomea kusiko fahamika na kwamba baada ya kurejea June 2023 wazazi wake walimua kumuozesha kwa ndugu Asulwa Sikombe mkazi wa kijiji cha Mbuza. Walieleza kuwa baada ya kupata taarifa hizo waliamua kuwakamata wazazi wa binti huyo na kuwafikisha kwenye kituo cha polisi Matai kwa hatua zaidi. Hata hivyo mapema akiongea ofisini kwake mkuu wa wilaya hiyo Lazaro Komba amesema mpaka sasa Jeshi la polisi linamsaka aliyeozeshwa mwanafunzi huyo na kwamba wazazi wawili wa mwanafun
Read more

Mkurugenzi UTPC awataka Waandishi kuandika Habari za Usawa wa kijinsia ili kuleta mabadiliko Chanya katika jamii.

-
Image
  Na.Neema Mtuka Mkurugenzi Mtendaji wa Muungano wa Klabu za Waandishi wa Habari Tanzania(UTPC) Bw.Kenneth Simbaya amewataka Waandishi wa Habari kuendelea kuandika Habari za Usawa wa kijinsia ili kuleta mabadiliko Chanya kwa jamii. Simbaya ameyasema hayo wakati wa mafunzo ya kuwajengea uwezo Waandishi wa Habari za Usawa wa kijinsia yaliyo wakutanisha Waandishi wa Tanzania Bara na visiwani. Ameongeza kuwa Waandishi wanapaswa kuibua Habari za ukatili wa kijinsia ambazo zitasaidia jamii kubadili mitazamo hasi na kuachana na Mila potofu zilizopitwa na wakati ambazo Bado Zina mkandamiza mwanamke na kupotea maana ya Usawa wa kijinsia  Aidha amesema Waandishi wa Habari washirikiane kwa pamoja katika kuibua mambo mbalimbali yahusuyo jamii na kufanya kazi kwa pamoja na kuhakikisha wanazingatia maadili ya uandishi wa Habari kanuni na taratibu zilizopo. Mafunzo ya Usawa wa kijinsia yanafanyika mjini Morogoro ambapo pamoja na mambo mengine Waandishi wanatazamia kuleta mabadiliko makubwa katika jam
Read more