BILIONI 18 KUANZA UJENZI WA BARABARA 3 GEITA

-


 

BILIONI 18 KUANZA UJENZI WA BARABARA 3 GEITA.

 

Mkuu wa Mkoa wa Geita, Mheshimiwa Rosemary Senyamule, amesema kuwa Serikali imetenga jumla ya Shilingi Bilioni 18 kwa ajili ya kuanza ujenzi wa barabara tatu mkoani humo.

 

Ameyasema hayo wakati akifungua semina ya mafunzo kwa wadau wa usafirishaji kuhusu Sheria ya Udhibiti Uzito wa Magari ya Afrika Mashariki ya mwaka 2016 na kanuni zake za mwaka 2018 inayofanyika kwa siku moja mkoani humo.

 

“Katika Bajeti ya Serikali ya mwaka 2021/2022, Wizara ya Ujenzi na Uchukuzi (Ujenzi), kupitia Wakala wa Barabara Tanzania (TANROADS), imetenga Shilingi Bilioni 10 kwa ajili ya ujenzi wa barabara ya Nyamirembe hadi Katoke (Km 50), Bilioni 6 kwa ajili ya barabara ya Geita hadi Kahama (Km133), na Shilingi Bilioni 2 kwa ajili ya ujenzi wa Barabara ya Geita hadi Nzega (Km 54),” amesema Senyamule.

 

Ameongeza kuwa barabara hizo tatu ambazo hadi sasa zimetengewa jumla ya shilingi Bilioni 18, zinaendelea na taratibu za ujenzi, vilevile kwa barabara ya Katoro hadi Ushirombo ambayo iko kwenye mpango wa ujenzi inaendelea kufanyiwa usanifu na upembuzi yakinifu na inatarajia kupata fedha za ujenzi kutoka Benki ya Dunia.

 

Mkuu wa Mkoa huyo ameitaka TANROADS kuongeza wigo wa utoaji wa elimu kuhusu sheria ya uzibiti uzito wa magari ili kuondoa changamoto za uharibifu wa barabara unaofanywa na magari yaliyozidisha uzito kwani Serikali inatumia fedha nyingi katika ujenzi na ukarabati wa barabara nchini, fedha ambazo zinaweza kuelekezwa kwenye miradi mingine yenye uhitaji endapo ulinzi wa miundombinu ya barabara nchini utaimarishwa.

 

“Msukumo wa mafunzo haya unatokana na changamoto za mara kwa mara kwa baadhi ya wasafirishaji kutofahamu sababu zinazopelekea gari kukutwa limezidisha uzito katika mizani za TANROADS ambapo katika kituo kilichotangulia gari hilo hilo lilipimwa na halikuwa limezidisha uzito” amefafanua Senyamule.

 

Akisoma taarifa yake kwa Mgeni Rasmi, Kaimu Meneja wa TANROADS mkoa wa Geita, Mhandisi Gladson Yohana, amesema kuwa semina ya mafunzo ya uzibiti uzito wa magari kwa mwaka 2021 ilianza kutolewa mwezi Oktoba katika mikoa ya Dar es Salaam, Mtwara, Morogoro, Dodoma, Njombe, Mbeya, Rukwa, Kigoma na baada ya mkoa wa Geita mafunzo hayo yataendelea kutolewa katika mikoa mingine iliyobaki ili kuwaongezea uelewa wasafirishaji wengi zaidi.

 

Kwa upande wake, msimamizi wa Mizani kutoka Wizara ya Ujenzi na Uchukuzi (Ujenzi), Mhandisi Leonard Saukwa, amewaambia waandishi wa habari kuwa Serikali imeweka tozo kwa wanaozidisha uzito wa magari ili kuilinda miundombinu ya barabara nchini, na kuwa gharama za tozo kwa magari yaliyozidisha uzito zinatofautiana kulingana na uzito wa gari husika. Aidha, tozo hizo hubadilika kila baada ya miaka kumi kutokana na mabadiliko ya gharama za matengenezo ya barabara.

 

Nao wadau wa usafirishaji wanao hudhuria mafunzo hayo mkoani Geita, kwa nyakati tofauti wamesema kuwa, kinacholeta mkanganyiko zaidi katika huduma za mizani ni mizani hizo kuwa na majibu tofauti katika upimaji, mizani moja inasoma uzito tofauti na mizani iliyotangulia na kwamba wanaamini kuwa kupitia mafunzo hayo watapata uelewa zaidi kuhusu kutofuatiana kwa vipimo vya uzito baina ya vituo vya mizani .

 

Sheria ya Udhibiti Uzito wa Magari ya Afrika Mashariki ya mwaka 2016 na kanuni zake za mwaka 2018, inatumiwa na nchi wanachama wa Jumuiya ya Afrika Mashariki, ilianza kutumika rasmi nchini Tanzania mnamo mwezi Machi mwaka 2019 kwa lengo la kuoanisha viwango vya uzito wa magari ili wafanyabiashara wa nchi hizo waweze kufanya biashara ya usafirishaji kwa utaratibu unaofanana.

 

Imetolewa na, Kitengo cha Mawasiliano Serikalini, Wizara ya Ujenzi na Uchukuzi

 

Comments

Post a Comment

Popular posts from this blog

Wakulima Rukwa kutumia zana bora kuongeza uzalishaji wa mazao msimu mpya wa kilimo

-
Image
Na  Baraka Lusajo - Rukwa. Vyama vya Ushirika wilayani Kalambo mkoani Rukwa vimetakiwa kuwekeza nguvu zao katika upatikanaji wa zana bora za kilimo ili kuweza kuongeza uzalishaji na ubora wa mazao mbalimbali mkoani Rukwa hasa katika kipindi hiki wanachojiandaa kuanza msimu mpya wa kilimo unaotarajiwa kuanza mwezi Oktoba mwaka huu.   Akiongea wakati wa Ufunguzi wa uzinduzi wa Mkakati wa matumizi bora ya zana za kilimo, Kaimu Katibu Tawala Msaidizi Seksheni ya Uchumi na Uzalishaji Mkoa wa Rukwa, Ocran Chengula alisema kuwa, asilimia 80 ya uchumi wa Mkoa wa Rukwa unategemea kilimo lakini ni asilimia 3 tu ya wakulima wanatumia matrekta hali inayopekelea eneo kubwa la ardhi inayofaa kulimwa katika mkoa huo kutolimwa na pia kutopata mazao bora yenye kuhimili ushindani katika soko la dunia. “Katika mkoa wetu kuna hekta 1,660,000 ambazo zinafaa kwa kilimo, lakini kati ya hizo kwa kiasi kikubwa sana tunazoloma ni hekta laki tano na kidogo, ambazo ni sawa na asilimia 32 kuna kipi...
Read more

UTPC KUENDELEA KUELIMISHA UMMA,UMUHIMU WA UHURU WA VYOMBO VYA HABARI

-
Image
 Rais wa Muungano wa Klabu za Waandishi wa Habari Tanzania (UTPC) Deogratius Nsokolo amesema ili kusaidia kupunguza hali ya uhasama dhidi ya Waandishi wa Habari UTPC inaendelea kutumia Klabu za Waandishi wa Habari mikoani kuhamasisha na kuelimisha umma kuhusu umuhimu wa Uhuru wa  vyombo vya Habari na jukumu la Waandishi wa Habari katika jamii.  Nsokolo ameyasema hayo Leo Novemba 2,2023 wakati wa ufunguzi wa Mkutano wa siku ya Kimataifa ya kukomesha Uhalifu dhidi ya Waandishi wa Habari ulioandaliwa na UTPC na kufanyika kwa njia ya mtandao(Zoom). Amesema maadhimisho hayo kwa mwaka 2023 yanalenga Kuongeza uelewa kuhusu changamoto wanazokabiliana nazo Waandishi katika kutekeleza majukumu Yao,lakin pia kuonya juu ya kukithiri kwa vitendo vya kikatili na ukandamizaji dhidi ya Waandishi wa Habari. Aidha akiongelea kujenga Mazingira salama kwa Waandishi wa Habari amewashukuru ubalozi wa Uswiss hapa Nchini Tanzania,kwa ufadhili wao katika mradi na Mkuu wa jeshi la polisi Nchini IG...
Read more

MAENDELEO YA CHUO CHA UALIMU SUMBAWANGA

-
Image
  CHUO CHA UALIMU SUMBAWANGA CHAFIKIA 64% KUJENGWA Na. OMM Rukwa Serikali ya Awamu ya Sita chini ya Rais Samia Suluhu Hassan imepongezwa kwa kuwezesha upatikanaji  fedha shilingi 3,852,697,911 zinazotumika katika awamu ya kwanza kujenga majengo 11 ya chuo kipya cha Ualimu Sumbawanga eneo la Pito ambapo mradi huo umefikia asilimia 64 hadi sasa. Akizungumza leo (06. 07.2022) kwenye ukaguzi wa mradi huo Mkuu wa Mkoa wa Rukwa Joseph Mkirikiti aliwaeleza waandishi wa habari kuwa serikali inatekeleza mradi huo kwa lengo la kufungua fursa za kielimu kwa wananchi ambapo utakapokamilika utasidia kuchochea ukuaji wa uchumi. "Rukwa tumenufaika na mradi huu wenye thamani ya shilingi Bilioni 3.9 ambapo majengo kadhaa yamekamikika na mengine jitihada za ukamilishaji zinaendelea vizuri. Nimeridhishwa na  kazi inayoendelea hapa na kuhusu changamoto chace nitawasiliana na Wizara ya Elimu tuzitatue mapema na mradi ufike mwisho" ,alisema Mkirikiti.  Katika hatua nyingine Mkuuu huyo wa ...
Read more